Por segundo curso consecutivo, o CEP Carlos Casares ofreceu ao alumnado de 1º e 2º da ESO do IES unha xornada moi especial no seu centro. Dividímonos en tres grupos para participarmos en todas as actividades arredor do proxecto: houbo visita guiada polo alumnado de 6º á exposición anual; un obradoiro de etiquetaxe de botellas por ver a nosa creatividade; e comezamos a traballar nun mapa conceptual enriquecido a través de códigos QR. Foivos unha xornada ben completa!!
VISITA GUIADA Á EXPOSICIÓN "A ADEGA"
A exposición divídese en tres apartados: a adega tradicional, a adega actual e unha colección das botellas comercializadas desde o noso Concello. Todo o material foi cedido polas familias do alumnado, as adegas do Condado e Industrias Céspedes. E mellores guías non os hai!!
OBRADOIRO DE INFORMÁTICA. "Un percorrido a través dun mapa conceptual enriquecido" Creación de códigos QR, para enriquecer de xeito colaborativo o mapa conceptual. Coa profe Paqui e os seus alumnos como axudantes comezamos esta aventura investigadora. A cousa promete!!
OBRADOIRO DE ELABORACIÓN DE ETIQUETAS DE BOTELLAS
E para fomentar a nosa creatividade, guiados pola profe Pilar inventamos as nosas adegas, cos seus logos e deseños publicitarios, despois de estudarmos as características e información que atopamos nestes textos publicitarios.